ഗവി ..ഒരു മിടുമിടുക്കി

നാടാകെ 'കൊറോണം' ആണത്രേ.. എത്രയെത്ര യാത്രകൾ ആണ് ഒരു ചിന്ന വൈറസ് കാരണം നഷ്ടമായത്..കൊറോണ ഒരൽപം കുറഞ്ഞപ്പോൾ ആണ് ഞങ്ങളും ഇറങ്ങി തിരിക്കുന്നത്.. കൊറേ കാലമായി സർക്കാർ ബസിൽ കയറിയിട്ട്..ഇന്നത്തെ യാത്ര ഗവിയിലേക്ക് ആണ്..നമ്മുടെ പത്തനംതിട്ടക്കാരുടെ സ്വന്തം ഗവിയിലേക്ക് ..

കേരളത്തിൽ ഒക്കെയും യാത്ര ചെയ്തപ്പോൾ എനിക്ക് ഏറ്റവും നല്ല ഭക്ഷണം ലഭിച്ചത് പാലക്കാട് നിന്നും, ഏറ്റവും സ്നേഹമുള്ള ആളുകളെ കണ്ടത് കണ്ണൂരിലും, ചരിത്രം കണ്ടത് തിരുവന്തപുരത്തും തുരുത്തും കായലും കണ്ടത് കൊല്ലത്തും, ഷാപ്പും താറാവ്കറിയും കടൽവിഭവങ്ങളും കിട്ടിയത് ആലപ്പുഴയിലും, പ്രകൃതിയെ കണ്ടത് ഇടുക്കിയിലും വികസനം അറിഞ്ഞത് എറണാകുളത്തും, ഭാഷ ഇഷ്ടപ്പെട്ടത് തൃശ്ശൂരിലെയും, എന്നെ മയക്കിയത് വയനാടും ആണ്..അങ്ങനെയൊക്കെ ആണെങ്കിലും ജീവിക്കാൻ ഇഷ്ടം നമ്മുടെ പത്തനംതിട്ട തന്നെയാണ്..

പക്ഷെ എനിക്ക് നിങ്ങളോട് ഒരു അഭ്യർഥന ഉണ്ട്. ഓർഡിനറി സിനിമയും കണ്ടിട്ട് ഗവിയും കാണാൻ ഇറങ്ങിയിട്ട് 'ചെ... അവിടെ എന്താണിത്ര കാണാൻ ഇരിക്കുന്നത്' എന്ന സ്ഥിരം പല്ലവിയുമായി വരുന്ന അന്ധന്മാരുടെ വാക്കുകൾ കേൾക്കരുത്..സിനിമയുടെ വളരെ കുറച്ചു ഭാഗങ്ങൾ മാത്രമേ ഗവിയിൽ ഷൂട്ട് ചെയ്തിട്ടുള്ളു എന്ന സത്യം മനസിലാക്കുക..എന്നിട്ട് വേണം ഗവി കാണാൻ ഇറങ്ങാൻ..

ഡ്രൈവർ സാറിനെ കുറിച്ച് പറയാതെ പോയാൽ അത് ഒരു അഭംഗി ആകും എന്ന കാര്യം ഉറപ്പാണ്. രാജു സർ .. നേവിയിൽ ആയിരുന്നു..അവിടുന്ന് വിരമിച്ച ശേഷം കെ എസ് ആർ ടി സി യിൽ കയറി..ഇപ്പോൾ അഞ്ച് വർഷമായി ഗവി വണ്ടിയുടെ സാരഥി ആണ്..ഒറ്റ വാക്കിൽ പറഞ്ഞാൽ പത്തനംതിട്ടക്കാരൻ ഇരട്ടചങ്കൻ !! അല്ലെങ്കിലും ഇത്രയധികം വന്യമൃഗങ്ങൾ വിഹരിക്കുന്ന ഗവിയുടെ വന്യതയിലേക്ക് അൻപത് ആളിനെയും കയറ്റി ആ വണ്ടി ഓടിച്ചു പോകാൻ ഇരട്ടചങ്ക് തന്നെ വേണം..അദ്ദേഹം ഈ കഴിഞ്ഞ ആഴ്ച സർവീസിൽ നിന്നും വിരമിക്കുകയുണ്ടായി..

ഇനി വഴി വളരെ മോശം ആണ്..പലയിടത്തും റോഡ് ഇല്ല..2018 ലെ പ്രളയത്തിൽ റോഡ് കുറെ ഭാഗം ഒലിച്ചു പോയിരുന്നു..ഏകദേശം 15 കിലോമീറ്ററോളം വളരെ മോശം റോഡ് ആണ്..ചെറിയ വണ്ടികൾ ആണെങ്കിൽ ഉറപ്പായും പണി കിട്ടും.. അങ്ങനെ ഏകദേശം നൂറോളം കിലോമീറ്ററുകൾ പിന്നിട്ട് ഞങ്ങൾ ഗവിയിൽ എത്താറായിട്ടുണ്ട്..

ഗവി ഒരു ചെറിയ ഗ്രാമമാണ്..തോട്ടം തൊഴിലാളികളുടെ നാട്..ശ്രീലങ്കൻ വംശജരായ കുറച്ചു സാധു മനുഷ്യർ. അവർക്ക് പുറംലോകവും ആയി ഉള്ള ആകെ ബന്ധം ഈ ബസ് ആണ്. ഒരു പോസ്റ്റ്ഓഫീസ് , ട്രൈബൽ സ്കൂൾ, കുടിലുകളും കാന്നാലികളും കുറച്ചു മനുഷ്യരും..ഇതൊക്കെയാണ് ഗവി. ഇത് വരെ കണ്ടു വന്ന കാഴ്ചകളുടെ അത്ര നിറമുള്ള കാഴ്ചകൾ ആയിരുന്നില്ല അവിടെ. റോഡിരികിൽ നിൽക്കുന്ന ആളുകളിൽ പലരും രാജു സാറിനെ കൈ വീശി കാണിക്കുന്നുണ്ട്.. അദ്ദേഹം ജനകീയൻ ആണ്..തിരിച്ചും സലാം പറയുന്നുണ്ട്..ഞാൻ ഇതൊക്കെ കണ്ട് കൊണ്ട് ബോണറ്റിൽ ഇരിക്കുക ആണ്.. ''പാവങ്ങളാ.. സ്നേഹം ഉള്ളവരാ.." രാജു സർ എന്നോട് പറഞ്ഞു..ഞാൻ വെറുതെ ഒന്ന് ചിരിച്ചതെയുള്ളൂ.ഒരിക്കലെങ്കിലും ഇങ്ങനെയുള്ള അധഃസ്ഥിതരായ ആളുകളുടെ ജീവിത സാഹചര്യങ്ങൾ കാണാൻ ഇടയാകുമ്പോൾ നിങ്ങൾക്ക് എന്റെ ആ പുഞ്ചിരിയുടെ അർത്ഥം മനസിലാകും എന്ന് കരുതുന്നു..!!!!

ആ സമയമത്രയും നിരാശരായ ഒരുപാട് മുഖങ്ങൾ ഞങ്ങൾക്ക് കാണേണ്ടി വന്നു..ഗവി എന്തോ വലിയ സംഭവം ആണെന്ന് കരുതി വഴിയിലെ കാഴ്ചകൾ ഒന്നും ആസ്വദിക്കാതെ ഗവിയിൽ വന്നിറങ്ങി നിരാശയും ദേഷ്യവും പ്രകടിപ്പിക്കുന്നവർ..നാളെ നിങ്ങൾ അതിൽ ഒരാളായി മാറരുത് എന്നതുകൊണ്ടാണ് ഇതിപ്പോ ഇവിടെ കുറിക്കുന്നത്..ഗവിയിൽ അല്ല കാഴ്ച..ആ യാത്രയിലാണ് കാഴ്ചകൾ.. മടുപ്പിക്കാത്ത കാഴ്ചകൾ

ഉച്ചതിരിഞ്ഞു 3.00 ആയപ്പോഴേക്കും വണ്ടി ഗവിയിൽ എത്തി.ഞങ്ങൾ കയറുക ആണ്..തിരികെ ഉള്ള യാത്ര.നേരം ഇരുട്ടി തുടങ്ങുന്നു..ഉണർന്നിരിക്കുന്നതിക്കും ഭീകരം ആണ് ഉറങ്ങുന്ന കാട്.. വന്യത..ജനലിലൂടെ തണുത്ത കാറ്റ് അരിച്ചിറങ്ങുന്നു..എല്ലായിടവും നിശബ്ദം..കാതടിപ്പിക്കുന്ന ഇരമ്പൻ ശബ്ദതത്തോടെ ആ സർക്കാർ ശകടം കുതിക്കുകയാണ്..!!!!!!

ശ്രീഹരി കടപ്ര 9656651561

പത്തനംതിട്ടയില്‍ നിന്നുമുളള ഗവി-കുമളി KSRTC ബസിൻെറ  സമയവിവരം..
പത്തനംതിട്ട :- 6:30 am
ഉച്ചക്ക് 12.30

ടിക്കറ്റ് നിരക്ക്
പത്തനംതിട്ട- ഗവി  ₹140